Bismillahir rəhmanir rəhim

 İslami hökümlər

Müsəlmanın yerinə yetirəcəyi hər bir işin müqəddəs
İslam dinində özünə məxsus hökmü vardır. Bu hökmlər beş qismə bölünür:

 1: "Vacib” - Görülməsi lazım olan, tərk olunması
isə, Qiyamətdə ilahi əzaba səbəb olan əməldir. Məsələn: Namaz, oruc və s...

 2: "Müstəhəb” - Görülməsi yaxşı və savablı olan,
tərk edilməsi isə Qiyamət əzabına səbəb olmayan əməldir. Məsələn: Salam vermək,
sədəqə vermək və s...

 3: "Haram” - Tərk edilməsi vacib, görülməsi isə
Qiyamət əzabına səbəb olan əməldir. Məsələn: Yalan danışmaq, zülm etmək və s...

 4: "Məkruh” - Tərk edilməsi yaxşı və savablı,
görülməsi isə Qiyamət əzabına səbəb olmayan əməldir. Məsələn: Məsciddə yatmaq,
məsciddə dünya söhbəti etmək və s...

 5: "Mübah” - Görülməsi və tərk edilməsi eyni
səviyyədə olan əməldir. Bu kimi işlərin özü-özlüyündə savabı yoxdur və
Qiyamətdə də əzaba səbəb olmaz. Məsələn: Su içmək, yol getmək və s. Amma mübah
işi də Allahın razılığı üçün olsun deyə, niyyət edib savab qazanmaq olar.
Məsələn, «bu suyu içirəm ki, ibadət etməyə qüdrətli olum» deyə su içərsə bu
savab sayılacaq.